The Coming Of The Wee Malkies - Stephen Mulrine

If you don't come from Glasgow, none of this will mean a thing to you. A masterpiece to me.


Haw missis, whit'll ye dae when the wee Malkies come,
If they dreep doon affy the wash-hoose dyke,
An pit the hems oan the sterrheid light,
An play wee heidies oan the clean close wa,
Missis, whit'll ye dae?

Whit'll ye dae when the wee Malkies come,
If they chap yir door an choke yir drains,
An caw the feet fae yir sapsy weans,
An tummle thur wulkies through yir sheets,
An tim thur ashes oot in the street,
Missis, whit'll ye dae?

Whit'll ye dae when the wee Malkies come,
If they chuck thur screwtaps doon the pan,
An stick the heid oan the sanitry man,
When ye hear thum shauchlin doon yir loaby,
Chanting, "Wee Malkies! The gemme's a bogey!"
Haw, missis, whit'll ye dae?